Qararǵa muwapıq, tómendegi kategoriyadaǵı studentler ústemlik tiykarında studentler turaq jayına qabıl etiledi:

– «Mehribanlıq úyleri»niń tárbiyalanıwshıları, jetim hám ata-anasınıń qarawınan ayrılǵan studentler;

– «Sociallıq qorǵaw birden-bir reestri», «Temir dápter» hám «Hayallar dápteri»ne kirgizilgen sociallıq qorǵawǵa mútáj shańaraqlardıń perzentleri jáne «Jaslar dápteri»nde turatuǵın studentler;

– I hám II topar mayıplıǵı bolǵan studentler;

– bir shańaraqtan bakalavriat basqıshınıń kúndizgi bilimlendiriw formasında eki yamasa onnan aslam tólemli kontrakt tiykarında oqıp atırǵan shańaraqlardıń perzentleri;

– xalıqaralıq pán olimpiadaları, Joqarı bilimlendiriw, ilim hám innovaciyalar ministrligi tárepinen ótkeriletuǵın respublikalıq pán olimpiadalarında jeńimpaz bolǵan studentler;

– «Jıl studenti» hám «Studentler teatr studiyaları» tańlawlarınıń respublikalıq basqıshında jeńimpaz bolǵan studentler;

– JOO studentleri arasında ótkerilgen «Zakovat» intellektual oyınınıń respublikalıq basqıshında jeńimpazlıqtı qolǵa kirgizgen studentler;

– studentler turaq jayında studentler keńesiniń baslıǵı, qabat sárdarı bolǵan studentler.

NMPI baspasóz xızmeti.