Xabarıńız bar, usı jıldıń 23-avgust kúni Ájiniyaz atındaǵı Nókis mámleketlik pedagogikalıq institutında 2023-2024-oqıw jılı ushın ekinshi hám onnan keyingi joqarı bilimlendiriwge sırtqı hám keshki tálim baǵdarlarına qabıllaw ushın test hám kásiplik (dóretiwshilik) imtixanları bolıp ótedi.

Usı processte hár qıylı korrupciyalıq jaǵdaylardıń aldın alıw maqsetinde instituttıń qabıllaw komissiyasınıń tiyisli juwapkerleri qatnasıwında májilis bolıp ótti.

Korrupciyaǵa qarsı gúresiw «Komplaens qadaǵalaw» sistemasın basqarıw bólimi tárepinen shólkemlestirilgen ilajdı usı bólimniń baslıǵı Palmurza Xojabekov alıp bardı.

Májiliste kún tártibindegi másele boyınsha pikir almasılıp, juwapkerlerge tiyisli kórsetpeler, usınıslar berildi.

Ilaj barısında qabıllaw komissiyasınıń aǵzaları imtixan procesiniń ashıq-aydın hám ádil túrde ótiwin támiyinlew ushın tiyisli jumıslardı ámelge asıratuǵınlıǵın atap ótti.

NMPI Korrupciyaǵa qarsı gúresiw «Komplaens qadaǵalaw» sistemasın basqarıw bólimi.