Aldın xabar bergenimizdey, Tashkent wálayatınıń Bostanlıq rayonında respublikalıq «Qızlar hawazı» klubınıń ilimiy lageri joybarı bolıp ótti.

Ilajǵa Ózbekstan boylap ilimiy-izertlew jumısları menen shuǵıllanıp kiyatırǵan studentler, magistrantlar hám doktorantlardan ibarat hayal-qızlar qatnastı.

Ótkerilgen ilimiy seminar juwmaqları boyınsha Ájiniyaz atındaǵı Nókis mámleketlik pedagogikalıq institutı qaraqalpaq tili kafedrasınıń doktorantı Gúlxan Nurlıbekovanıń qaraqalpaq tilin internet tarmaǵında rawajlandırıw boyınsha usınıs etken «KarLin» joybarı jeńimpaz dep tabıldı hám shólkemlestiriwshiler tárepinen noutbuk penen sıylıqlandı.

Seminarda óziniń belsendiligi menen úlgi bolǵan instituttıń muzıkalıq tálim hám kórkem óner qánigeliginiń magistrantı Erkinay Orınbaeva da sertifikat penen sıylıqlandı.

NMPI baspasóz xızmeti.