Respublikamızdaǵı barlıq joqarı oqıw orınları qatarında Ájiniyaz atındaǵı Nókis mámleketlik pedagogikalıq institutında 2023-2024-oqıw jılı ushın qabıllaw procesi joqarı shólkemleskenlik penen alıp barıldı.

Búgingi kúnde student bolıw baxtına erisken jaslarımız institutqa kelip, bul jerde oqıw, bilim alıw, ilim menen shuǵıllanıw, qábiletlerin jetilistiriw, dem alıw, qosımsha dógereklerge qatnasıw ushın jaratılǵan sharayatlar menen tanıspaqta.

Instituttıń Dene mádeniyatı fakulteti dekanı A.Utepbergenovtıń baslaması menen fakultetke 1-kursqa qabıl etilgen student-jaslar ushın tanısıw ilajları shólkemlestirilmekte.

Búgin, 29-avgust kúni bakalavriattıń dene mádeniyatı hám hayal-qızlar sportı, sonday-aq, mektepke shekemgi hám baslawısh tálimde dene tárbiyası hám sport tálim baǵdarlarına studentlikke qabıl etilgen jaslar fakultette jaratılǵan sharayatlar menen tanıstı.

Olarǵa fakultet dekanatı juwapkerleri hám tyutorlar oqıw auditoriyaları, sport hám májilisler zalları, sport maydanshaları, trenajyor zalların kórsetip, qızıqtırǵan sorawlarına juwaplar berdi.

Sonday-aq, oqıw procesindegi áhmiyetli qaǵıydalar, qoyılatuǵın talaplar haqqında maǵlıwmatlar berildi.

Tanısıw ilajları dawam etpekte.

NMPI baspasóz xızmeti.