ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Studentlerdi jataqxanalarǵa ornalastırıw jumısları qadaǵalawda

Ájiniyaz atındaǵı Nókis mámleketlik pedagogikalıq institutı Korrupciyaǵa qarsı gúresiw «Komplaens-qadaǵalaw» sistemasın basqarıw bóliminiń xızmetkerleri tárepinen instituttıń 1- hám 2-sanlı studentler turaq jayına ornalastırıw jumıslarınıń barısı qadaǵalawǵa alınǵan.

Studentler turaq jaylarına ornalastırıwda korrupciyalıq jaǵdaylardıń aldın alıw hám olarǵa jol qoymaw maqsetinde tiyisli juwapkerler menen sáwbetlesiwler ótkerildi.

Sáwbetlesiwler barısında jataqxanalarǵa ornalasıwda korrupciyaǵa jol qoymaw, studentler menen jataqxana ortasında shártnamanıń májbúriy túrde dúziliwi hám belgilengen ijara haqıların tólew procesinde insan faktorın saplastırıw hám taǵı basqa da máseleler haqqında pikirler almasıldı.

Sonıń menen birge, jataqxanaǵa studentlerdiń ornalasıwınıń barısı haqqında usı máselelerge juwap beretuǵın juwapker xızmetkerler menen sáwbetlesiwler ótkerilip, tiyisli mazmundaǵı plakatlar qıstırılıp shıǵıldı.

Korrupciyaǵa qarsı gúresiw «Komplaens-qadaǵalaw» sistemasın basqarıw bólimi tárepinen tiyisli profilaktikalıq jumıslardı ámelge asırıw dawam etpekte.

NMPI Korrupciyaǵa qarsı gúresiw «Komplaens-qadaǵalaw» sistemasın basqarıw bólimi.