ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

NMPIde kontrakt muǵdarları qansha?

Ózbekstan Joqarı bilimlendiriw, ilim hám innovaciyalar ministrligi tárepinen 2023-2024-oqıw jılı ushın mámleketlik joqarı oqıw orınlarınıń bakalavriat (kúndizgi, keshki, sırtqı) jáne magistratura qánigelikleri boyınsha tólemli kontrakt muǵdarları járiyalandı.

Oǵan bola, pedagogikalıq baǵdarlarda (kásiplik bilimlendiriw) oqıp atırǵan studentti tólemli kontrakt penen bir jıllıq oqıtıw summaları tómendegishe belgilendi:

➖ Bakalavriattıń kúndizgi (stipendiyasız) bilimlendiriw túri boyınsha – 6 mln 412 mıń 610 sum;

➖ Bakalavriattıń keshki hám sırtqı bilimlendiriw túri boyınsha – 7 mln 472 mıń 630 sum;

➖ Magistratura hám ekinshi qánigeliktiń (stipendiyasız) kúndizgi bilimlendiriw túri boyınsha – 7 mln 771 mıń 270 sum;

➖ Ekinshi qánigeliktiń keshki hám sırtqı bilimlendiriw túri boyınsha – 8 mln 219 mıń 893 sum.

Maǵlıwmat ornında atap ótiw kerek, birinshi hám onnan joqarı kurs studentleri ushın tólemli kontrakt shártnamaların kontrakt.edu.uz elektron portalınan onlayn júklep alıw múmkinshiligi jaratıldı.

Házirgi waqıtta tiyisli texnikalıq jumıslar alıp barılıp atırǵanlıǵına baylanıslı magistraturaǵa qabıl etilgenler hám eselengen tólemli kontrakt (super-kontrakt) tiykarında oqıwdı qálewshiler ushın shártnama beriw baslanbadı.

Esletip ótemiz, bazalıq tólemli kontrakt summaların oqıw jılı dawamında tórtke bólip tólew múmkin.

©️Tayarlaǵan: Bekbergen Ádilbaev,
NMPI Fizika-matematika fakultetiniń studenti.