ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

NMPIde «Inno Week» hápteligi hám innovaciyalıq ideyalar tańlawı bolıp ótedi

Usı jıldıń 25-30-sentyabr kúnleri aralıǵında Ájiniyaz atındaǵı Nókis mámleketlik pedagogikalıq institutında «Inno Week» innovaciyalıq ideyalar hám joybarlar hápteligi bolıp ótedi.

Háptelik sheńberinde innovaciyalıq ideyalar hám joybarlarǵa baylanıslı tańlaw hám kórgizbeler shólkemlestiriliwi jobalastırılǵan.

Tańlaw juwmaqları boyınsha jeńimpazlar hám sıylı orın iyeleri anıqlanadı hám qımbat bahalı sawǵalar menen sıylıqlanadı.

Ilajdı ótkeriwden tiykarǵı maqset student-jaslardıń eń aldınǵı innovaciyalıq texnologiyalar, ónimler, joybarlar, biznestiń túrli baǵdarları ushın prototipleri jáne modellerin keń jámiyetshilikke tanıstırıw hám qollap-quwatlawdan ibarat.

Innovaciyalıq ideyalar hám joybarlar hápteliginde qatnasıwdı qáleytuǵın studentler usı jıldıń 20-sentyabr kúnine shekem NMPI Ziyrek studentlerdiń ilimiy-izertlew jumısların shólkemlestiriw bólimine múrájat etiwi múmkin.

☎️Maǵlıwmat ushın telefonlar:
+99891 387 87 44
+99891 374 70 27