ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Qosımsha qabıllaw parametrleri sheńberinde studentlikke usınıs etilgen qaraqalpaqstanlı jaslar usınıs etiliw jaǵdayın jeke kabinetinen biliwi múmkin

Ózbekstan Respublikası Prezidentiniń 2022-jıl 31-avgusttaǵı PF–213-sanlı Pármanında qaraqalpaqstanlı jaslar ushın mámleketlik grant tiykarında 3 000, tólemli kontrakt tiykarında 6 500 qosımsha kvota ajıratılıwı belgilengen.

Usı Pármannıń orınlanıwı boyınsha Mámleketlik komissiyasınıń gezektegi protokolında qaraqalpaqstanlı jaslar ushın rayonlar kesiminde tarawlar boyınsha joqarı maǵlıwmatlı kadrlarǵa bolǵan zárúrlikti esapqa alǵan halda bakalavriat tálim baǵdarları kesiminde:

– respublikadaǵı mámleketlik joqarı oqıw orınlarına – mámleketlik grant tiykarında 3 000 orın;

– wálayatlardaǵı mámleketlik joqarı oqıw orınlarına – bazalıq tólemli kontrakt tiykarında 6 500 orınlıq qosımsha qabıllaw parametrleri tastıyıqlandı.

Bunda:

– mámleketlik grant tiykarındaǵı qabıllaw parametrleri – kiriw imtixanlarında 68,0 ball hám onnan joqarı ball toplaǵan, biraq mámleketlik grant tiykarında studentlikke usınıs etilmegen abiturientler esabınan;

– bazalıq tólemli kontrakt tiykarındaǵı qabıllaw parametrleri – kiriw imtixanlarında 56,7 ball hám onnan joqarı ball toplaǵan, biraq studentlikke usınıs etilmegen abiturientler esabınan qáliplestirildi.

Qosımsha qabıllaw parametrleri sheńberinde studentlikke usınıs etilgen qaraqalpaqstanlı jaslar usınıs etiliw jaǵdayın my.uzbmb.uz saytı arqalı jeke kabinetinen biliwi múmkin.

Sonday-aq, joqarı oqıw orınlarına tańlaw nátiyjeleri jetkerilgen.

Bilim hám mamanlıqlardı bahalaw agentligi