ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Joqarı bilimlendiriw, ilim hám innovaciyalar ministrligi wákili institutta úyreniw jumısların alıp bardı

Ájiniyaz atındaǵı Nókis mámleketlik pedagogikalıq institutında Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Student hám oqıwshılardıń jámiyetlik belsendiligin arttırıw orayınıń direktorı Ravshanbek Xudayberganov tárepinen úyreniw jumısları ótkerildi.

Dáslep institut studentler turaq jaylarında jaslar ushın jaratılǵan sharayatlar, atap aytqanda, studentlerdiń mádeniy hám ruwxıy dem alıwı, bos waqıtların mazmunlı ótkeriwi ushın ministrlik tárepinen berilgen tapsırmalardıń óz waqtında orınlanıwı kózden ótkerildi.

Ministrlik wákili studentler turaq jaylarında ana portreti hám studentlerdiń súwretlew óneri boyınsha eń jaqsı dóretiwshilik jumısların kópshilikke kórinetuǵın orınlarǵa qıstırıp qoyıw boyınsha óz usınısların berdi.

Sonıń menen birge, institutta oqıw procesin shólkemlestiriw, professor-oqıtıwshılarǵa sabaqlardıń bólistiriliwi boyınsha úyreniw jumısların alıp bardı.

NMPI baspasóz xızmeti.