Ájiniyaz atındaǵı Nókis mámleketlik pedagogikalıq institutı Baslawısh tálim fakulteti dekanatı hám tyutorları basshılıǵında «Úsh áwlad ushırasıwı» shólkemlestirildi.

Ushırasıwǵa kóp jıllar dawamında bilimlendiriw sistemasında jemisli miynet etken nuranıy ustaz Qudaybergen Qurbaniyazov, Qaraqalpaqstan Respublikasına xızmet kórsetken artist Sveta Shınıqulova, Nókis qalasındaǵı «Kók ózek» mákan puqaralar jıyını baslıǵı Maqset Bekjanov, Ózbekstan hám Qaraqalpaqstan Jazıwshılar awqamınıń aǵzası, instituttıń qaraqalpaq ádebiyatı kafedrasınıń oqıtıwshısı, shayır Allayar Dármenov, sonday-aq, fakultettiń belsendi studentleri qatnastı.

Ushırasıwda jaslar jasıúlken nuranıy ustazlardıń, kórkem óner hám ádebiyat tarawı pidayıları menen sáwbetlesip, ózlerine turmıslıq tájiriybe alǵan bolsa, miymanlar jaslar menen pikirlesiw arqalı ózleriniń jaslıq máwritlerin eske aldı.

Nuranıylardıń úgit-násiyatları jaslardı jaqsı insan bolıp jetilisiwine, hár dayım jaqsılıq islewge, tereń bilim alıwǵa, elimiz rawajlanıwına múnásip úles qosıwǵa baǵdarlaydı.

Álbette, bunday ilajlar jaslardıń hár tárepleme jetik insan bolıp jetilisiwine, miynet nuranıylarınıń turmıs mektebi menen jaqınnan tanıs bolıwına xızmet etedi.