Joqarı bilimlendiriw, ilim hám innovaciyalar ministriniń buyrıǵı menen 1-oktyabr – Muǵallimler hám ustazlar kúni múnásibeti menen joqarı bilimlendiriw tarawında shın hújdanı menen jumıs alıp barıp, jas áwladtıń sapalı bilim alıwında óziniń pidayı miynetleri menen úlgi bolıp kiyatırǵan, sistemanıń rawajlanıwı ushın óziniń múnásip úlesin qosıp atırǵan bir topar taraw pidayıları «Joqarı bilimlendiriw aǵlası» kókirek belgisi menen sıylıqlandı.

Quwanıshlısı, olar arasında Ájiniyaz atındaǵı Nókis mámleketlik pedagogikalıq institutınan:

Azamat Abdiev – oqıw isleri boyınsha prorektorı wazıypasın waqıtsha atqarıwshısı;
Roxat Eshmuratov – ilimiy isler hám innovaciyalar boyınsha prorektorı;
Aynagúl Bekimbetova – mektepke shekemgi tárbiya hám defektologiya kafedrasınıń baslıǵı;
Amangeldi Kamalov – fizikanı oqıtıw kafedrasınıń baslıǵı;
Ayjan Nawrızbaeva – pedagogika kafedrasınıń baslıǵı;
Tájibay Ótebaev – ulıwma pedagogika hám psixologiya kafedrasınıń baslıǵı

«Joqarı bilimlendiriw aǵlası» kókirek belgisi menen sıylıqlandı.

Maǵlıwmat ornında atap ótiw kerek, usı kókirek belgisi menen sıylıqlanǵanlardıń hár biri bazalıq esaplaw muǵdarınıń tórt esesi muǵdarında qarjılay sıylıqlanadı.

Institut jámááti sıylıqlanǵan professor-oqıtıwshılardı tabısları menen qutlıqlaydı!

NMPI baspasóz xızmeti.