Ózbekstan Respublikası Ministrler Kabinetiniń tiyisli tapsırması tiykarında 2024-jıl ushın doktorantura hám erkin izleniwshilikke hújjet qabıllaw múddetleri usı jıldıń 10-noyabr kúnine shekem, kiriw imtixanların shólkemlestiriw 30-noyabrge shekem uzaytıldı.

Ilimiy-izertlew menen shuǵıllanıwshılardıń shet tillerin biliw dárejesin belgileytuǵın milliy yamasa oǵan sáykes dárejedegi xalıqaralıq sertifikatlardı alıw ushın Bilim hám mamanlıqlardı bahalaw agentligi tárepinen qosımsha tárizde usı jıldıń 21-22-oktyabr kúnleri imtixan ótkeriledi.

2024-jıl ushın joqarı bilimlendiriwden keyingi bilimlendiriwdiń barlıq formalarına qabıllaw ushın hújjetler usı jıldıń 10-noyabr kúnine shekem (sol kún de kiredi) qabıllanadı. Kiriw imtixanları bolsa 30-noyabrge shekem uzaytılǵanın málim etemiz.

Eskertiw: Qabıllaw ushın hújjetler joqarı oqıw orınları hám ilimiy shólkemlerdiń juwapkerleri tárepinen qabıllanadı yamasa biykar etiledi. Hújjetler belgilengen qabıllaw múddetine shekem shólkemler tárepinen qabıllanǵan bolıwı kerek. Qabıllaw múddeti juwmaqlanǵannan soń hújjetlerdi redaktorlaw imkaniyatı bolmaydı.

NMPI doktorantura (DSc) qánigeliklerine qabıllaw 👉 https://ndpi.uz/qq/2023/09/11/24654/
NMPI tayanısh doktorantura (PhD) qánigeliklerine qabıllaw 👉 https://ndpi.uz/qq/2023/09/11/24655/
NMPI stajyor-izleniwshilik qánigeliklerine qabıllaw 👉 https://ndpi.uz/qq/2023/09/11/24656/

NMPI baspasóz xızmeti.