Búgin, 25-oktyabr kúni Berdaq atındaǵı Qaraqalpaq mámleketlik akademiyalıq muzıkalı teatrında joqarı oqıw orınları studentleri arasında matematika páninen Muhammed ál-Xorezmiy atındaǵı II Xalıqaralıq olimpiadasınıń saltanatlı ashılıw máresimi bolıp ótti.

Ilaj joqarı oqıw orınlarınıń ilimiy-pedagogikalıq baǵdardaǵı kórgizbeleri menen baslandı.

Xalıqaralıq pán olimpiadasına ulıwma 40 tan aslam joqarı oqıw orınlarınan 200 den aslam student-jaslar, sonday-aq, joqarı kategoriyalı tóreshiler quramı aǵzaları qatnaspaqta.

Qatnasıwshılar Qaraqalpaqstan Respublikası Ministrler Keńesi Baslıǵınıń orınbasarı B.Otemuratov, Joqarı bilimlendiriw, ilim hám innovaciyalar ministrligi Qaraqalpaqstan Respublikası aymaqlıq basqarmasınıń baslıǵı N.Kayupov, joqarı oqıw orınlarınıń rektorları hám filiallar direktorları tárepinen kútip alındı.

Saltanatlı ilaj respublikamızdıń belgili kórkem óner ǵayratkerleri, sonday-aq, joqarı oqıw orınlarınıń talantlı studentleri atqarıwındaǵı koncert baǵdarlaması menen dawam etti.

Maǵlıwmat ornında atap ótiw orınlı, xalıqaralıq pán olimpiadasınıń dáslepki turı 26-oktyabr kúni Berdaq atındaǵı Qaraqalpaq mámleketlik universiteti sport sarayında ótkeriliwi jobalastırılǵan.

NMPI baspasóz xızmeti.

©️Fotosúwretler avtorı: Islam Matekov.