Dıqqat, tańlaw! NMPIde ayrıqsha qábiletke iye studentler ushın «Talant shou» tańlawı ótkeriledi

Ájiniyaz atındaǵı Nókis mámleketlik pedagogikalıq institutında ayrıqsha qábiletke iye bolǵan studentlerdi anıqlaw hám xoshametlew maqsetinde «Talant shou» tańlawı shólkemlestirilmekte.

Tańlawda kórkem óner, mádeniyat, ádebiyat, sport hám basqa da tarawlarda kópshilikti tań qaldıra alatuǵın ózgeshe qábiletke iye bolǵan student-jaslar qatnasıwı múmkin.

Tańlawda qatnasıwdı qáleytuǵın studentlerdi 2023-jıl 27-oktyabr saat 15:00 de NMPI 4-sanlı oqıw imaratınıń májilisler zalında kútip qalamız!

Tańlawda hár studenttiń shıǵıwı tóreshiler quramı aǵzaları tárepinen bahalanadı hám jeńimpazlar sıylıqlanadı.

Qosımsha maǵlıwmatlardı fakultet dekanlarınıń jaslar menen islesiw boyınsha orınbasarlarınan alıwıńız múmkin.

Qábiletli studentlerdi «Talant shou»da kútemiz!