Ájiniyaz atındaǵı Nókis mámleketlik pedagogikalıq institutında student-jaslardıń ilimiy-izertlew jumıslarına qızıǵıwshılıǵın arttırıw maqsetinde «Jaslar akademiyası forumı» bolıp ótti.

Ilajdı instituttıń ilimiy isler hám innovaciyalar boyınsha prorektorı R.Eshmuratov kiris sózi menen ashıp berdi hám forum jumıslarına tabıslar tiledi.

Forumda ziyrek studentlerdiń ilimiy-izertlew jumısların shólkemlestiriw bóliminiń baslıǵı Q.Tashanov institutta ilimge qızıǵatuǵın student-jaslar menen islesiw baǵdarında ámelge asırılıp atırǵan jumıslar, mámleketlik stipendiyalar hám olarǵa hújjetlerdi qabıllaw tártibi haqqında maǵlıwmatlar berdi.

Ilajda instituttıń Jaslar akademiyası liderleri I.Rajabova hám B.Reyimbaev tárepinen Jaslar akademiyasınıń maqseti, wazıypaları, málimleme texnologiyaları tarawında startap joybarlar boyınsha prezentaciyalar islendi.

Student-jaslar ózlerin qızıqtırǵan sorawlarǵa juwap aldı.

Forum muzıkalıq tálim baǵdarı studentleri atqarıwındaǵı koncert baǵdarlaması menen dawam etti.

NMPI baspasóz xızmeti.