ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

NMPIde «Jasıl mákan» akciyası sheńberinde abadanlastırıw jumısları alıp barıldı

Xabarıńız bar, Ózbekstan Respublikası Prezidenti basshılıǵında ótkerilgen videoselektor májilisinde usı jıldıń 25-oktyabr – 1-dekabr kúnleri aralıǵı «gúzgi terek egiw máwsimi» dep belgilenip, bul boyınsha barlıq orınlarda ámeliy jumıslar baslanıp ketti.

Ájiniyaz atındaǵı Nókis mámleketlik pedagogikalıq institutınıń miynet jámááti hám student-jasları usınday iygilikli baslamalardan kelip shıǵıp, búgin institut átirapındaǵı bos jerlerdi abadanlastırıp, terek nállerin otırǵızıp, kóklemzarlastırıw jumısların baslap jiberdi.

Bıyılǵı gúz máwsimindegi «Jasıl mákan» ulıwma milliy joybarı sheńberinde institut átirapındaǵı bos jerler hám paytaxtımızdaǵı belgilengen orınlarǵa institutımız tárepinen ulıwma 20 mıń túpten aslam terek nállerin otırǵızıw maqset etip alınǵan.

Bul baǵdardaǵı ámeliy jumıslar dawam etpekte.

NMPI baspasóz xızmeti.