NMPI tyutorları Tashkent qalasında ótkerilgen seminarǵa qatnastı

Joqarı bilimlendiriw, ilim hám innovaciyalar ministrligi, sonday-aq, ministrlik janındaǵı Student hám oqıwshılardıń sociallıq belsendiligin arttırıw orayı tárepinen I.M.Gubkin atındaǵı Rossiya mámleketlik neft hám gaz universiteti Tashkent qalasındaǵı filialında tyutorlardıń jumısların shólkemlestiriwge baylanıslı áhmiyetli máselelerge baǵıshlanǵan úlgi tiykarındaǵı seminar-trening shólkemlestirildi.

Usı seminarǵa respublikamızdaǵı barlıq joqarı oqıw orınları qatarında Ájiniyaz atındaǵı Nókis mámleketlik pedagogikalıq institutı Mektepke shekemgi tálim fakultetiniń tyutorı Gúljáhán Artikova hám Tariyx fakultetiniń tyutorı Dilaram Erniyazova qatnastı.

Úlgi tiykarında ótkerilgen seminar-treningde qatnasıp atırǵan tyutorlar bir hápte múddette ózleri jumıs islep atırǵan joqarı oqıw orınlarındaǵı basqa kásiples tyutorları ushın kaskad usılında seminarlar shólkemlestiriwi jobalastırılǵan.

Maǵlıwmat ornında atap ótiw orınlı, búgingi kúnde respublikamızdaǵı 211 joqarı oqıw ornında 3 000 nan aslam tyutorlar jumıs alıp barıp atırǵan bolsa, NMPIde 60 tan aslam tyutor studentlerdiń tálim-tárbiya jumıslarında miynet etpekte.