ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

NMPIde «TOP-10 innovaciyalıq joybar» hám «Ideaton – Uzbekistan 2030» tańlawlarınıń institut basqıshı bolıp ótti

Ájiniyaz atındaǵı Nókis mámleketlik pedagogikalıq institutında ilimiy hám innovaciyalıq ideyalar, joybarlardı saylap alıw, jaslardıń baslamaların qollap-quwatlaw maqsetinde shólkemlestirilgen «TOP-10 innovaciyalıq joybar» hám «Ideaton – Uzbekistan 2030» tańlawlarınıń institut basqıshı ótkerildi.

Jaslardıń ilimiy hám innovaciyalıq potencialın kórsetiw, usı baǵdardaǵı perspektivalı joybarlardı dáslepki basqıshta anıqlaw hám olardı hár tárepleme qollap-quwatlaw arqalı qarjılandırıw dárejesine alıp shıǵıw, sonday-aq, joybarlardı ámeliyatqa engiziwge baǵdarlanǵan tańlawda institut studentleri óz joybarları menen belsene qatnastı.

Ilajda instituttıń ilimiy isler hám innovaciyalar boyınsha prorektorı R.Eshmuratov sózge shıǵıp, barlıq qatnasıwshılarǵa áwmet tiledi.

Solay etip, tańlawda qatnasıwshı studentler ózleriniń sońǵı on jıllıqtaǵı mashqalalar boyınsha perspektivalı innovaciyalıq ideyaları, ilimiy hám innovaciyalıq joybar baǵdarlarında ilimiy-texnikalıq dóretiwshilik hám oylap tabıwshılıq qábiletlerin kórsetip, islep shıqqan joybarları boyınsha prezentaciyalar isledi.

Qatnasıwshılardıń usınǵan ideyaları hám joybarları tóreshiler quramı aǵzaları tárepinen bahalap barıldı.

Tańlaw juwmaqları haqqında qosımsha maǵlıwmatlar beriledi.

NMPI baspasóz xızmeti.