Ájiniyaz atındaǵı Nókis mámleketlik pedagogikalıq institutında «Pitkeriwshiler forumı» bolıp ótti.

Ilajdı instituttıń ilimiy isler hám innovaciyalar boyınsha prorektorı R.Eshmuratov kiris sózi menen ashıp berip, Prezidentimizdiń baslaması menen mámleketimizde jaslarǵa baylanıslı mámleketlik siyasattıń jańa basqıshqa kóterilgenligi, jaslardıń óz qábiletleri hám potencialın júzege shıǵarıwı ushın keń imkaniyatlar jaratılıp atırǵanlıǵın atap ótti. Usınday forumlar bilimlendiriw hám tarawlardı birlestiriwde úlken áhmiyetke iye ekenligi, pitkeriwshi studentlerdiń jumıs penen támiyinleniwinde forumnıń roli haqqında maǵlıwmatlar berdi.

Bunnan soń forumǵa qatnasıp atırǵan Qaraqalpaqstan Respublikası Mektepke shekemgi hám mektep bilimlendiriwi ministrligi, sonday-aq, Kámbaǵallıqtı qısqartıw hám bántlik ministrliginiń juwapker wákilleri sózge shıǵıp, pitkeriwshilerdi jumıs penen támiyinlew baǵdarında ámelge asırılıp atırǵan jumıslar haqqında aytıp ótti.

Sonıń menen birge, ilajda instituttı pitkerip, házirgi kúnde bilimlendiriw sisteması hám xalıq xojalıǵınıń túrli tarawlarında jemisli miynet etip atırǵan taraw pidayıları ózleriniń oqıw hám miynet jolı haqqında maǵlıwmatlar berip, ómirlik tájiriybeleri menen bólisti.

Forum qatnasıwshıları ózlerin qızıqtırǵan sorawlarǵa taraw qánigelerinen tiyisli juwaplar aldı.

NMPI baspasóz xızmeti.