Aymaq turǵınları hám institut studentleri arasında úgit-násiyat jumısları alıp barıldı

 

Búgin, 13-noyabr kúni Ájiniyaz atındaǵı Nókis mámleketlik pedagogikalıq institutında «Ata-babalar miyrası – úlgi hám tárbiya dáregi» atamasında ushırasıw keshesi hám úgit-násiyat ilajı bolıp ótti.

Ilajǵa paytaxtımızdıń «Jas áwlad», «Qumbız awıl», «Bayterek», «Kók ózek», «Turan», «Náwpir», «Samanbay», «Anasay» mákan puqaralar jıyınlarınıń turǵınları, jasıúlken nuranıylar, sonıń menen birge, instituttıń student-jasları qatnastı.

Ushırasıwda Ózbekstan Respublikası Ministrler Kabineti janındaǵı Ózbekstandaǵı Islam civilizaciyası orayınıń úlken ilimiy xızmetkeri, tariyx ilimleriniń doktorı Ikromiddin Ostonaqulov, usı oraydıń jetekshi ilimiy xızmetkeri Anvar Matniyazov, Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarmasınıń Nókis qalası boyınsha bas qánigesi X.Nezamatovlar ǵárezlik jıllarında elimizde hújdan erkinligi, diniy keńpeyillik principlerin támiyinlew, olardıń nızamlı tiykarların jaratıw hám rawajlandırıw máselelerine tiykarǵı itibar qaratılıp, iyman-isenim, miyrim-shápáát sıyaqlı pazıyletler xalqımızdıń ruwxıy turmısın jetilistiriwde áhmiyetli tiykar bolıp xızmet etip atırǵanlıǵın ayrıqsha atap ótti.

Atap ótilgenindey, Prezidentimiz Shavkat Mirziyoev basshılıǵında milliy úrp-ádet hám qádiriyatlarımızdı tiklew, muqaddes dinimizdi, ullı danıshpan hám oyshıllarımızdıń bay miyrasın tereń úyreniw, olardıń esteliklerin abat etiw, tariyxıy esteliklerdi qásterlep-saqlaw baǵdarında keń kólemli jumıslar ámelge asırılmaqta.

Ilaj usı baǵdardaǵı pikirlesiwler menen dawam etti.

NMPI baspasóz xızmeti.