NMPI studenti «Nodirai davronlar» tańlawınıń Qaraqalpaqstan Respublikası basqıshı jeńimpazı boldı

Berdaq atındaǵı Qaraqalpaq mámleketlik universitetinde Ózbekstan «Milliy tiklanish» demokratiyalıq partiyası Qaraqalpaqstan Respublikalıq Keńesi «Hayal-qızlar qanatı», Shańaraq hám hayal-qızlar komitetiniń «Qızlarjan» hám Jaslar agentligi janınındaǵı «Qızlar hawazı» klubları tárepinen «Nodirai davronlar» tańlawınıń Qaraqalpaqstan Respublikası basqıshı shólkemlestirildi.

Tańlaw 18 jastan 30 jasqa shekemgi siyasatqa qızıǵıwshı, jetekshilik qábiletke iye, jámiyetlik jumıslarǵa belsene qatnasıp atırǵan hayal-qızlar arasında ótkerildi.

Tańlawda qatnasıwshılar Ózbekstan hám Qaraqalpaqstan Respublikalarınıń «Mámleketlik til haqqında»ǵı nızamı talapları tiykarında «qátesiz jazamız», «Qádiriyatlarǵa tayanǵan rawajlanıw» atamasındaǵı shártler boyınsha ózleriniń bilim hám tájiriybelerin hár tárepleme kórsetiwge háreket etti.

Jarıs juwmaǵında Ájiniyaz atındaǵı Nókis mámleketlik pegagogikalıq institutınıń studenti Alfiya Allambergenova 1-orındı iyelep, tańlawdıń Ózbekstan Respublikası basqıshına jollama aldı.

Tańlaw jeńimpazları Ózbekstan «Milliy tiklanish» demokratiyalıq partiyası Qaraqalpaqstan Respublikalıq Keńesi tárepinen tayarlanǵan diplom hám sawǵalar menen sıylıqlandı.