1-dekabrden miynet haqı, pensiyalar hám sociallıq napaqalar muǵdarı arttırıladı

Ózbekstan Respublikası Prezidentiniń 2023-jıl 17-noyabrdegi «Miynet haqı, pensiyalar hám napaqalar muǵdarın arttırıw haqqında»ǵı 196-sanlı pármanına muwapıq, usı jıldıń 1-dekabr kúninen miynet haqı, pensiyalar hám sociallıq napaqalar 7 procentke arttırılmaqta.

Yaǵnıy:

– pensiyanı esaplawdıń bazalıq muǵdarı – 372 mıń sum;
– jasqa baylanıslı eń kem pensiya muǵdarı – 725 mıń sum;
– miynetke haqı tólewdiń eń kem muǵdarı – 1 million 50 mıń sum etip belgilenbekte.

Prezident pármanı nátiyjesinde 4,5 million adamnıń pensiyası hám napaqalarınıń muǵdarı kóbeyedi hám barlıq byudjet shólkemleri xızmetkerleriniń aylıq miynet haqıları dekabrden baslap 7 procentke kóbeytilgen halda esaplanadı.

Ayrıqsha atap ótiw orınlı, bazalıq esaplaw muǵdarı 1-dekabrden 3 procent muǵdarında (7 procent emes) ózgerip, 340 mıń sum etip belgilenbekte.

Ulıwmalastırıp aytqanda, jıl dawamında miynet haqı, pensiya hám sociallıq napaqalar jámi 14,5 procentke kóbeytilgen bolsa, bazalıq esaplaw muǵdarı bolsa bunnan azlaw, yaǵnıy 13 procentti quradı.

NMPI baspasóz xızmeti.