ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Zamanagóy bilimlendiriw máselelerine arnalǵan respublikalıq konferenciya bolıp ótti

Ájiniyaz atındaǵı Nókis mámleketlik pedagogikalıq institutında pedagogika kafedrası tárepinen «Zamanagóy tálim máseleleri hám keleshegi: Joqarı bilimlendiriw hám mektep ámeliyatı» atamasındaǵı respublikalıq ilimiy-teoriyalıq hám ámeliy konferenciya bolıp ótti.

Ilajdı instituttıń ilimiy isler hám innovaciyalar boyınsha prorektorı R.Eshmuratov basqarıp bardı.

Konferenciyada bayanatshılar tárepinen bolajaq muǵallimlerdiń kásiplik kompetentligin rawajlandırıw jolları, aksiologiyalıq qatnas tiykarında qaraqalpaq tilin oqıtıwdıń lingvodidaktikalıq imkaniyatları, modulli oqıtıw texnologiyaları járdeminde oqıwshılardıń intellektual imkaniyatların rawajlandırıwdıń mazmunı, kishi mektep jası oqıwshılarına tásir etiwde pedagogikalıq diagnostikadan paydalanıwdıń zárúrligi, pedagogikalıq kózqaraslar evolyuciyasınıń bilimlendiriw tarawına tásiri, baslawısh klass oqıwshılarına ekologiyalıq tálim-tárbiya beriw texnologiyaların jetilistiriwdiń pedagogikalıq mashqalaları boyınsha bayanatlar jasalıp, hár tárepleme dodalandı.

NMPI baspasóz xızmeti.