ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

«Jıl studenti» respublikalıq tańlawınıń institut basqıshı jeńimpazları anıqlandı

Ájiniyaz atındaǵı Nókis mámleketlik pedagogikalıq institutında úzliksiz (akademiyalıq tánepissiz) kúndizgi bilimlendiriw túrinde oqıp atırǵan 2-, 3- hám 4-kurs studentleri arasında «Jıl studenti» respublikalıq tańlawınıń institut basqıshı bolıp ótti.

Ulıwma 7 nominaciya boyınsha ótkerilgen tańlawǵa fakultetlerdiń dekanatları tárepinen usınıs etilgen jámi 92 hújjet kelip tústi.

Tańlaw komissiyası qatnasıwshılardıń hújjetler toplamı, sabaqlarǵa hám jámiyetlik jumıslarǵa qatnasıwınıń sapasın, sonday-aq, qatnasıwshı menen individual ótkerilgen sáwbet sheńberinde alınǵan maǵlıwmatlardı bahalaw nátiyjelerin esapqa alǵan halda hár bir nominaciya boyınsha jeńimpaz (1-, 2- hám 3-orın)lardı anıqladı.

Solay etip, «Jıl studenti» respublikalıq tańlawınıń institut basqıshı jeńimpazları dep tabılǵan studentler menen tanısıń.

1) «Jıldıń óz qánigeligi boyınsha eń bilimli studenti» nominaciyası boyınsha:

1-orın – Jalalatdin Usnatdinov (Tábiyiy pánler);

2-orın – Umida Elibaeva (Dene mádeniyatı), Rabiǵa Shabatova (Baslawısh tálim);

3-orın – Annasoltan Arazdurdieva (Shet tilleri), Aziz Elmurodov (Túrkiy tiller), Qademay Usanova (Túrkiy tiller), Laylo Bazarbaeva (Tábiyiy pánler).

2) «Jıldıń eń belsendi úgit-násiyatshı studenti» nominaciyası boyınsha:

1-orın – Erniyaz Qasımov (Tariyx);

2-orın – Gúlayım Erjanbaeva (Shet tilleri), Alfiya Seytniyazova (Pedagogika), Ulzada Umirbaeva (Baslawısh tálim);

3-orın – Yusup Qurbaniyazov (Túrkiy tiller), Gúlhasem Imamova (Baslawısh tálim), Iroda Rajabova (Fizika-matematika), Barchinoy Qodirova (Mektepke shekemgi tálim).

3) «Jıldıń eń belsendi oylap tabıwshı-innovator studenti» nominaciyası boyınsha:

1-orın – Berdibay Reyimbaev (Tariyx);

2-orın – Ruslam Satimuratov (Fizika-matematika);

3-orın – Biybijamal Jartıbaeva (Baslawısh tálim).

4) «Jıldıń eń belsendi sportshı studenti» nominaciyası boyınsha:

1-orın – Mohinur Rajabova (Dene mádeniyatı);

2-orın – Dilfuza Alimbetova, Miyirbek Turǵanbaev (Dene mádeniyatı);

3-orın – Gúlaysha Joldasbaeva (Mektepke shekemgi tálim).

5) «Jıldıń eń belsendi qábiletli studenti» (reńli súwret, grafika, dizayn, ámeliy óner, músinshilik boyınsha) nominaciyası boyınsha:

1-orın – Durdona Mambetkadirova (Súwretlew óneri hám texnologiyalıq tálim);

2-orın – Sevinch Masharipova (Baslawısh tálim);

3-orın – Amir Quralbaev (Súwretlew óneri hám texnologiyalıq tálim).

6) «Jıldıń eń belsendi dóretiwshi studenti» nominaciyası boyınsha:

1-orın – Nursultan Nurniyazov (Shet tilleri);

2-orın – Biybinazayım Rasbergenova (Túrkiy tiller);

3-orın – Polat Qutlımuratov (Tariyx), Ernazar Pirniyazov (Fizika-matematika), Kumushoy Zeripbaeva (Pedagogika).

7) «Jıldıń eń belsendi isbilermen studenti» (hayal-qızlar ushın) nominaciyası boyınsha:

1-orın – Dilnora Achilova (Súwretlew óneri hám texnologiyalıq tálim);

2-orın – Gúlzada Tajieva (Baslawısh tálim);

3-orın – Guzal Utepova (Fizika-matematika), Pokiza Ahmedova (Túrkiy tiller), Jadıra Urazbaeva (Baslawısh tálim), Biybiayım Qarlıbaeva (Baslawısh tálim).

Esletip ótemiz, 1-orın jeńimpazları tańlawdıń respublikalıq basqıshında qatnasıw ushın usınıs etiledi.

Nominaciyalar boyınsha 1-, 2- hám 3-orınlardı iyelegen jeńimpaz jáne sıylı orın iyeleri joqarı oqıw ornınıń húrmet jarlıǵı menen sıylıqlanadı hám tiyisli ráwishte 1-orın iyesi bazalıq esaplaw muǵdarınıń 8 esesi muǵdarında, 2-orın iyesi bazalıq esaplaw muǵdarınıń 6 esesi muǵdarında hám 3-orın iyesi bazalıq esaplaw muǵdarınıń 4 esesi muǵdarında materiallıq jaqtan xoshametlenedi.

NMPI baspasóz xızmeti.