Xosh xabar! NMPIdiń 15 studenti Prezident hám ataqlı mámleketlik stipendiyalar tańlawınıń jeńimpazı boldı
Ózbekstan Respublikası Joqarı bilimlendiriw, ilim hám innovaciyalar ministrliginiń 2023-2024-oqıw jılı ushın respublikalıq joqarı oqıw orınlarınıń bakalavriat basqıshı studentlerine Ózbekstan Respublikası Prezidenti hám ataqlı mámleketlik stipendiyaların tayınlaw haqqındaǵı buyrıǵı tiykarında Ájiniyaz atındaǵı Nókis mámleketlik pedagogikalıq institutınıń 15 studenti mámleketlik stipendiyalar tańlawı jeńimpazı dep tabıldı.
Ózbekstan Respublikası Prezidenti mámleketlik stipendiyasınıń jeńimpazı:
Nurniyazov Nursultan Jalǵas ulı – Shet tilleri fakulteti shet tili hám ádebiyatı (inglis tili) tálim baǵdarınıń 4-kurs studenti;
Nawayı atındaǵı mámleketlik stipendiyasınıń jeńimpazları:
Baxtiyorova Munira Mansur qızı – Pedagogika fakulteti pedagogika hám psixologiya tálim baǵdarınıń 4-kurs studenti;
Muptillaeva Náwbáhár Nurabulla qızı – Tariyx fakulteti milliy ideya, ruwxıylıq tiykarları hám huqıq tálimi baǵdarınıń 4-kurs studenti;
Arazdurdieva Annasoltan Narbaevna – Shet tilleri fakulteti shet tili hám ádebiyatı (inglis tili) tálim baǵdarınıń 4-kurs studenti;
Allayarova Umida Hajibay qızı – Fizika-matematika fakulteti matematika hám informatika tálim baǵdarınıń 3-kurs studenti;
Seytbaeva Gúlqumar Bahadır qızı – Baslawısh tálim fakulteti baslawısh tálim baǵdarınıń 4-kurs studenti;
Bekpolatova Dinara Ońǵarbay qızı – Túrkiy tiller fakulteti ózbek tili hám ádebiyatı tálim baǵdarınıń 3-kurs studenti;
Oqmonova Sevinchoy Olloyor qızı – Túrkiy tiller fakulteti ózge tilli toparlarda ózbek tili tálim baǵdarınıń 3-kurs studenti;
Elboeva Umida Rahimjon qızı – Dene mádeniyatı fakulteti dene mádeniyatı tálim baǵdarınıń 3-kurs studenti;
Shabatova Rabiǵa Janasbay qızı – Baslawısh tálim fakulteti baslawısh tálim baǵdarınıń 4-kurs studenti.
Islam Kárimov atındaǵı mámleketlik stipendiyasınıń jeńimpazı:
Usnatdinov Jalalatdin Nızamatdinovich – Tábiyiy pánler fakulteti biologiya tálim baǵdarınıń 4-kurs studenti.
Ibrayım Yusupov atındaǵı mámleketlik stipendiyasınıń jeńimpazı:
Yuldashova Lobarxon Muminjan qızı – Tábiyiy pánler fakulteti biologiya tálim baǵdarınıń 3-kurs studenti.
Tólepbergen Qayıpbergenov atındaǵı mámleketlik stipendiyasınıń jeńimpazı:
Meretgeldieva Aygúl Bekmiratovna – Baslawısh tálim fakulteti baslawısh tálim baǵdarınıń 4-kurs studenti.
Babur atındaǵı mámleketlik stipendiyasınıń jeńimpazı:
Keranova Raygúl Quwandıkovna – Tariyx fakulteti tariyx tálim baǵdarınıń 4-kurs studenti.
Pahlavon Mahmud atındaǵı mámleketlik stipendiyasınıń jeńimpazı:
Rajabova Mohinur Muzaffarovna – Dene mádeniyatı fakulteti dene mádeniyatı (hayal-qızlar sportı) tálim baǵdarınıń 3-kurs studenti.
Mámleketlik stipendiyalar tańlawınıń jeńimpazları bolǵan institutımız studentlerin qutlıqlaymız hám aldaǵı oqıw, ilimiy-izertlew jumıslarında úlken nátiyjelerge erisip júriwin tileymiz.
Maǵlıwmat ornında atap ótiw orınlı, Prezident mámleketlik stipendiyası tańlawında qatnasıp, sáwbet basqıshına usınıs etilmegen studentler rektor tárepinen tastıyıqlanǵan sertifikat hám bazalıq stipendiya muǵdarınıń 3 esesi muǵdarındaǵı bir mártelik aqshalay sıylıq penen sıylıqlanadı.
Sonday-aq, ataqlı mámleketlik stipendiyalar tańlawlarında qatnasıp, jeńimpaz bola almaǵan studentler de sertifikat hám bazalıq stipendiya muǵdarınıń 2 esesi muǵdarındaǵı bir mártelik aqshalay sıylıq penen xoshametlenedi.
NMPI baspasóz xızmeti.