Ájiniyaz atındaǵı Nókis mámleketlik pedagogikalıq institutı ilimiy isler hám innovaciyalar boyınsha prorektorı R.Eshmuratov basshılıǵındaǵı rásmiy delegaciya aǵzaları Ál-Farabiy atındaǵı Qazaq Milliy universiteti basshılarınıń usınısına bola ámeliy sapar sheńberinde usı joqarı oqıw ornında boldı.

Sapardan gózlengen tiykarǵı maqset ilim hám bilimlendiriw tarawındaǵı birge islesiwdi keńeytiw jáne bekkemlew, sonday-aq, institutımız professor-oqıtıwshılarınıń qánigeligin jetilistiriw, tájiriybe almasıwdan ibarat.

Institut delegaciyası QazMU Basqarma baslıǵı – rektor Janseyit Túymebaev hám prorektorlar, fakultetlerdiń dekanları menen ushırastı.

Ushırasıwda eki joqarı oqıw ornı arasında ilimiy-pedagogikalıq baǵdarda birge islesiwdi jetilistiriw boyınsha ámelge asırılatuǵın jumıslar belgilep alındı.

Delegaciya aǵzaları QazMUdaǵı oqıw procesi, laboratoriyalar, ilimiy-izertlew orayları hám fakultetlerdegi sharayatlar menen tanıstı.

Maǵlıwmat ornında atap ótiw kerek, aǵzaları Ál-Farabiy atındaǵı Qazaq Milliy universiteti xalıqaralıq «QS WUR» reytinginde 150-orındı iyelegen.

NMPI baspasóz xızmeti.