NMPI jaslar awqamı baslanǵısh shólkemi jetekshisi «Xoshamet – 2023» sıylıǵı laureatı boldı
Búgin, 18-dekabr kúni paytaxtımız Nókis qalasındaǵı Berdaq atındaǵı Qaraqalpaq mámleketlik akademiyalıq muzıkalı teatrında Ózbekstan Jaslar isleri agentligi Qaraqalpaqstan Respublikası basqarması tárepinen shólkemlestirilgen «Xoshamet – 2023» sıylıǵınıń laureatların sıylıqlaw máresimi bolıp ótti.
Quwanıshlısı, saltanatlı ilajda «Jıldıń eń belsendi joqarı oqıw ornı jetekshisi» nominaciyası boyınsha Ájiniyaz atındaǵı Nókis mámleketlik pedagogikalıq institutı jaslar awqamı baslanǵısh shólkeminiń jetekshisi Bayrambay Gúlimbetov jeńimpaz dep tabıldı hám shólkemlestiriwshiler tárepinen «Xoshamet – 2023» sıylıǵınıń statuetkası jáne qımbat bahalı sawǵalar menen sıylıqlandı.
Kóp jıllardan berli institutımız jaslarınıń haqıyqıy jetekshisi, isenimli súyenishi hám qollap-quwatlawshısı sıpatında ayanbay miynet etip kiyatırǵan Bayrambay Gúlimbetovtı qolǵa kirgizgen tabısları menen institutımız jámááti atınan qutlıqlaymız!
NMPI baspasóz xızmeti.