Institut ilimiy keńesiniń gezektegi májilisi bolıp ótti
Búgin, 28-dekabr kúni Ájiniyaz atındaǵı Nókis mámleketlik pedagogikalıq institutı ilimiy keńesiniń 2023-jıl juwmaqlarına baǵıshlanǵan májilisi bolıp ótti.
Májilisti institut rektorı w.w.a. Quvondiq Qodirov basqarıp bardı.
Májilis kún tártibine muwapıq, institut kafedralarında innovaciyalıq joybarlar, xojalıq shártnamaları hám sırt el grantları boyınsha ilimiy-izertlew jumıslarınıń orınlanıw barısı, 2023-jıldıń juwmaǵı boyınsha institut basshı hám pedagog-xızmetkerlerin qayta tayarlaw hám qánigeligin jetilistiriw jobasınıń orınlanıwı, 2022-2023-oqıw jılı pitkeriwshileriniń jumısqa ornalasıwı, olarǵa kórsetilip atırǵan metodikalıq járdemler, buyırtpashı shólkemler menen birge islesiw baylanısları hám nátiyjeleri, ilimiy ataqlarǵa talaban institut professor-oqıtıwshılarınıń hújjetlerin Joqarı attestaciyalıq komissiyasına usınıw máseleleri kórip shıǵıldı.
Ilajda Joqarı attestaciyalıq komissiyası tárepinen docent ilimiy ataǵı, sonday-aq, PhD ilimiy dárejesin alǵan professor-oqıtıwshılardıń diplomları tapsırıldı.
Májiliste aǵımdaǵı máseleler boyınsha tiyisli juwapkerlerdiń maǵlıwmatları tıńlandı.
Ilimiy keńes májilisinde kórip shıǵılǵan máseleler boyınsha tiyisli qararlar qabıl etildi.
Ilaj sońında ilimiy keńes aǵzalarına jańa jıl sawǵaları tapsırıldı.
NMPI baspasóz xızmeti.