2023-jıl 28-dekabrde Ózbekstan Respublikası Prezidenti tárepinen qol qoyılǵan 891-sanlı nızam tiykarında ayırım nızam hújjetlerine ózgeris hám qosımshalar kirgizildi.

Nızamǵa muwapıq, bunnan bılay ata-analardıń hár qanday jastaǵı perzentleriniń professional hám joqarı oqıw orınlarında oqıwı ushın tólegen pulları dáramat salıǵına tartılmaydı.

Bunnan aldın tek ǵana 26 jasqa shekemgi bolǵan perzentler ushın tólengen pullardan dáramat salıǵı alınbaǵan.

Nızam 2024-jıl 1-yanvardan baslap kúshke endi.

NMPI baspasóz xızmeti.