Ájiniyaz atındaǵı Nókis mámleketlik pedagogikalıq institutında er studentlerdiń aspazlıq sheberliklerin bahalaw hám olardı xoshametlew maqsetinde shashlık pisiriw boyınsha fakultetler arasında tańlaw shólkemlestirildi.

Tańlaw instituttıń 2-sanlı studentler turaq jayı aldında ótkerildi.

Tańlawda hár bir fakultettiń er studentleri ózleriniń shashlık tayarlaw boyınsha sheberliklerin kórsetiwge háreket etti.

Studentlerdiń aspazlıq sheberlikleri tóreshiler quramı aǵzaları tárepinen bahalanıp, jeńimpazlar hám sıylı orın iyeleri anıqlandı.

– Bunday ilajlardıń ótkeriliwi jaslar menen ele de jaqın bolıp, olardıń pikir-usınısların tıńlap, mashqalaların sheshiw, baslamaların qollap-quwatlaw ushın tiykar jaratadı, – deydi Pedagogika fakulteti dekanınıń orınbasarı J.Sultamuratov.

NMPI baspasóz xızmeti.