Mámleketlik komissiyanıń tiyisli protokolı menen 2023-2024-oqıw jılında joqarı hám professional bilimlendiriw mákemeleriniń ayırım student-oqıwshılarına bazalıq/eselengen tólemli kontrakttiń bir jıllıq oqıtıw muǵdarınan keminde 50 procenti muǵdarındaǵı tólemlerdi ámelge asırıw hám studentler qatarına qabıl etiwdi rásmiylestiriwdiń sońǵı múddeti usı jıldıń 10-apreline shekem etip belgilendi.

Múddet uzaytılıwı tómendegilerge tiyisli:

– joqarı oqıw orınlarına tólemli kontrakt tiykarında oqıwǵa usınıs etilgen (JOO basshısınıń biyligi tiykarında oqıwǵa qatnasıwǵa ruxsat berilgen, pánlerdi ózlestirgen, biraq shártnama dúzip, tólemlerdi belgilengen múddetlerden keshigip ámelge asırǵan hám búgingi kúnge shekem studentlikke qabıllaw boyınsha buyrıq rásmiylestirilmegen) abiturientler;

– sırt el hám mámleketlik emes joqarı oqıw orınlarınan oqıwın kóshirip, kóshirip tiklep hám qayta tiklep atırǵan studentler;

– professional bilimlendiriw mákemelerine (kolledj, texnikum) tólemli kontrakt tiykarında oqıwǵa usınıs etilgen abiturientler;

Eskertiw: ámeldegi tártip boyınsha ekinshi hám onnan joqarı basqısh studentleriniń kontraktin tólew múddeti JOO basshısı tárepinen uzaytılıwı múmkin.

NMPI baspasóz xızmeti.