Ájiniyaz atındaǵı Nókis mámleketlik pedagogikalıq institutı jámááti hám student-jasları báhár máwsiminde «Jasıl mákan» akciyasın joqarı shólkemleskenlik ruwxında baslap jiberdi.

Búgin, 30-mart kúni studentler fakultet dekanatı wákilleri, professor-oqıtıwshılar hám tyutorlar menen birgelikte institut átirapında, sonday-aq, instituttıń oqıw-dala ámeliyatı maydanında ekologiyalıq akciya sheńberinde abadanlastırıw hám kóklemzarlastırıw jumısların alıp bardı.

Akciya qatnasıwshıları jergilikli klimat sharayatına iykemlesken 2 mıńnan aslam dekorativ hám miywe terek nállerin otırǵızdı.

Sonday-aq, atızlardı awdarıp, egis ushın tayarladı, jabayı shóp qaldıqları hám shıǵındılardı belgilengen orınlarǵa shıǵarıp, tereklerdi hákledi.

Akciya dawam etpekte.

NMPI baspasóz xızmeti.