Ájiniyaz atındaǵı Nókis mámleketlik pedagogikalıq institutında jaslardı Internet hám sociallıq tarmaqlarda sáwlelenip atırǵan buzǵınshı ideyalardan qorǵaw, olardı milliy qádiriyatlar, úrp-ádetler, dástúrlerge sadıq, ana Watanǵa muhabbat ruwxında tárbiyalaw ushın media maydanda milliy kontent jaratıw maqsetinde «Eń jaqsı videorolik» tańlawı bolıp ótedi.

Tańlaw usı jıldıń 1-4-aprel kúnleri aralıǵında ótkerilip, studentlerdiń dóretiwshilik jumısları 4-aprel kúnine shekem (sol kúni de) qabıllanadı.

Tańlawǵa institutta oqıp atırǵan studentler hám magistrantlar qatnasıwı múmkin.

Tańlawǵa kelip túsken videorolikler fakultetlerde dúzilgen jumısshı topar aǵzaları tárepinen saylap alınadı hám eń jaqsı videorolikler instituttıń jaslar menen islesiw, ruwxıylıq hám aǵartıwshılıq bólimine tapsırıladı. Dóretiwshilik jumıslar tańlawdıń bahalaw komissiyası tárepinen kórip shıǵıladı hám bahalanadı.

Tańlaw jeńimpazlarınıń dizimi 5-aprel kúni instituttıń rásmiy veb-saytında járiyalanadı.

Tańlaw jeńimpazları institut rektoratı tárepinen diplom hám sawǵalar menen sıylıqlanadı.

Barlıq studentler hám magistrantlardı tańlawda belsene qatnasıwǵa shaqıramız!

NMPI baspasóz xızmeti.