Búgin, 2-aprel kúni Ózbekstan mámleketlik kórkem óner hám mádeniyat institutı Nókis filialı janındaǵı Mádeniyat orayında Qaraqalpaqstan Respublikasındaǵı joqarı oqıw orınları studentleri arasında «Máripat maydanı» tańlawı bolıp ótti.

Mámleketimizde ámelge asırılıp atırǵan keń kólemli reformalarda jaslardıń belsene qatnasıwın támiyinlew, studentlerdi iygilikli maqsetlerge baǵdarlaw, ata-babalarımızdan miyras bolıp kiyatırǵan milliy qádiriyatlar, mádeniyat hám ádebiyatımızdıń múnásip dawamshıları etip tárbiyalaw maqsetinde shólkemlestirilgen tańlawda Ájiniyaz atındaǵı Nókis mámleketlik pedagogikalıq institutı studentlerinen dúzilgen «Máripat» komandası 1-orındı iyeledi hám tańlawdıń kelesi basqıshına jollama aldı.

Institutımız studentlerin qolǵa kirgizgen tabısları menen qutlıqlaymız!

NMPI baspasóz xızmeti.