Ájiniyaz atındaǵı Nókis mámleketlik pedagogikalıq institutında Qaraqalpaqstan Respublikası Konstituciyası qabıl etilgeniniń 31 jıllıǵı múnásibeti menen studentler arasında «Siz nızamdı bilesiz be?» atamasındaǵı tańlaw bolıp ótti.

Jaslardıń Bas Nızamımız boyınsha iyelegen bilim hám kónlikpelerin bahalaw maqsetinde shólkemlestirilgen tańlawǵa Tariyx fakultetinen tısqarı barlıq fakultetlerden komandalar qatnastı.

Sálemnama, «Bilimler sınaǵı» atamasındaǵı soraw-juwap hám saxnalıq kórinis sıyaqlı shártler tiykarında ótkerilgen tańlaw juwmaǵında:

1-orındı – Fizika-matematika fakultetiniń «Ádillik» hám Baslawısh tálim fakultetiniń «Renessans»;
2-orındı – Túrkiy tiller fakultetiniń «Aydın keleshek»;
3-orındı – Pedagogika fakultetiniń «Qalqan» komandaları iyeledi.

Jeńimpazlar hám sıylı orın iyeleri kásiplik awqamı komiteti hám institut rektoratı tárepinen sıylıqlandı.

NMPI baspasóz xızmeti.