Búgin, 15-may kúni Ájiniyaz atındaǵı Nókis mámleketlik pedagogikalıq institutında Respublikalıq Ruwxıylıq hám aǵartıwshılıq keńesiniń keńeytilgen májilisinde belgilengen wazıypalardıń orınlanıwın támiyinlew maqsetinde dúzilgen jumısshı topar aǵzaları tárepinen úyreniw jumısları alıp barıldı.

Jumısshı topar aǵzaları Qaraqalpaqstan Respublikasındaǵı qala hám rayonları, ministrlikler, mákeme hám shólkemlerde sociallıq-ruwxıy ortalıqtıń jaǵdayı, sonday-aq, ruwxıy-aǵartıwshılıq jumıslardıń nátiyjeliligin arttırıw boyınsha ámelge asırılǵan jumıslardı úyreniwdi maqset etken bolıp, institutta bul baǵdarda islenip atırǵan jumıslarǵa joqarı baha berdi.

Dáslep miymanlar institutta hár aydıń 15-sánesinde ótkeriliwi dástúrge aylanǵan «Ózbekstan – ulıwma úyimiz» atamasındaǵı doslıq festivalında qatnastı. Sońınan jaslardıń bos waqıtların mazmunlı ótkeriw maqsetinde islenip atırǵan ilajlar, institut studentleri menen birge aymaq turǵınları ushın shólkemlestirilgen sport hám pán dógerekleri, studentler turaq jayında jaratılǵan sharayatlar, málimleme-resurs orayınıń jumısların úyrenip shıqtı.

NMPI baspasóz xızmeti.