Búgin, 15-may kúni Ájiniyaz atındaǵı Nókis mámleketlik pedagogikalıq institutında «Ózbekstan – ulıwma úyimiz» atamasındaǵı náwbettegi doslıq festivalı bolıp ótti.

Ilajda instituttıń ilimiy isler hám innovaciyalar boyınsha prorektorı R.Eshmuratov sózge shıǵıp, xalıqlar doslıǵı festivalın institutımızda hár aydıń on besinshi sánesinde fakultetleri kesiminde ótkeriw jaqsı dástúrge aylanǵanlıǵı, bunday ilajlardıń jaslarımız arasında keńpeyillik, milletler aralıq tatıwlıq sıyaqlı ulıwma insanıy qádiriyatlardı úgit-násiyatlawǵa xızmet etetuǵınlıǵın atap ótti.

Festival instituttıń «Tumaris» xalıq ansambli aǵzaları hám talantlı studentleri atqarıwındaǵı koncert baǵdarlaması menen dawam etti.

NMPI baspasóz xızmeti.