Xabarıńız bar, institutta sociallıq tarmaqlar arqalı jaslar arasında sociallıq salamat ortalıqtı qáliplestiriw, olardıń huqıqıy sawatlılıǵın arttırıw, bilimin, mádeniyatın rawajlandırıw hám qábiletlerin júzege shıǵarıw maqsetinde «NMPI | Creative» Telegram kanalı shólkemlestirilgen edi.

Qısqa waqıttıń ishinde bul kanal arqalı jaslar ózleriniń umtılısların, qábiletlerin kórsetiwge, júzege shıǵarıwǵa eristi.

Bunda, ásirese, hár bir fakultetke biriktirilgen mobilograf studentlerdiń roli ayrıqsha esaplanadı.

Sonıń menen birge, student-jaslar arasında jınayatshılıq hám huqıqbuzarlıqlardıń aldın alıw maqsetinde jámiyetlik tiykarda «Qalqan» toparı shólkemlestirilgen edi.

Topar aǵzaları tárepinen usı dáwirge shekem nátiyjeli jumıslar alıp barıldı.

Usı baǵdardaǵı ámelge asırılǵan jumıslardı esapqa alǵan halda, olardıń jumısların bunnan bılay da jetilistiriw maqsetinde institut rektoratı tárepinen gúwalıqlar hám zárúrli texnikalar tapsırıldı.

NMPI baspasóz xızmeti.