Ájiniyaz atındaǵı Nókis mámleketlik pedagogikalıq institutında 2023-2024-oqıw jılı pitkeriwshi kurs studentleriniń mámleketlik attestaciyalıq sınaqları dawam etpekte.

Búgin, 4-iyun kúni pitkeriwshi kurs studentleri arasında oqıwda hám jámiyetlik jumıslarda eń belsendi jaslardıń qatarınan orın alǵan Baslawısh tálim fakulteti studenti Eziz Ashirov, Súwretlew óneri hám texnologiyalıq tálim fakulteti studenti Ilham Tolıbaev hám Túrkiy tiller fakulteti studenti Azamat Jiyenbaevlardıń ata-analarına institut rektorınıń minnetdarshılıq xatları tapsırıldı.

Ilajda institut jaslar jetekshisi B.Gúlimbetov, fakultet dekanları hám olardıń orınbasarları, tyutorları qatnasıp, jaslardıń belsendiligi, olardıń úlgili minez-qulqı haqqında aytıp ótti hám ata-analarına minnetdarshılıq bildirdi.

Esletip ótemiz, institutta pitkeriwshi kurs studentleriniń mámleketlik attestaciyalıq sınaqları 10-iyunǵa shekem dawam etedi.

NMPI baspasóz xızmeti.