Búgin, 13-iyun kúni Ájiniyaz atındaǵı Nókis mámleketlik pedagogikalıq institutında Ózbekstan Respublikası Oliy Majlisi Senatı aǵzası, Qaraqalpaqstan medicina institutınıń rektorı Oral Ataniyazova hám student-jaslar qatnasıwında «Senator hám jaslar» ushırasıwı bolıp ótti.

Ushırasıwdı instituttıń ilimiy isler hám innovaciyalar boyınsha prorektorı Raxat Eshmuratov basqarıp bardı.

Ilajda senator Oral Ataniyazova sózge shıǵıp, sońǵı jıllarda mámleketimiz basshısınıń baslaması menen elimizde jaslardı qollap-quwatlaw boyınsha keń kólemli reformalar ámelge asırılıp atırǵanı, Úshinshi Renessansqa qaray nıq qádemler taslap atırǵan Jańa Ózbekstanda jaslardıń bilim alıwı, kásip-óner úyreniwi, startap hám isbilermenlik ideyaların ámelge asırıwı ushın jaratılıp atırǵan sharayatlar haqqında aytıp ótti.

Sonıń menen birge, jaslarǵa Oliy Majlis Senatı, «Jaslar parlamenti»niń wazıypaları tuwralı maǵlıwmatlar berdi.

Jaslar senator menen búgingi kúnde jaslar turmısındaǵı áhmiyetli máseleler boyınsha óz ara pikir almastı.

NMPI baspasóz xızmeti.