Búgin, 29-iyun kúni paytaxtımız Nókis qalasında 30-iyun – Jaslar kúni, sonday-aq, xalıqaralıq olimpiada kúni múnásibeti menen «Men jeńimpazban» hám «Watan qalqanı» súreni tiykarında háweskerler arasında «Jańa nápes» ǵalabalıq juwırıw marafonı bolıp ótti.

Marafonǵa respublikamızdaǵı barlıq mámleketlik hám jámiyetlik shólkemler, mákeme, kárxana jáne joqarı oqıw orınları qatarında Ájiniyaz atındaǵı Nókis mámleketlik pedagogikalıq institutınıń miynet jámááti hám student-jasları da belsene qatnastı.

Úsh kilometr aralıqta ótkerilgen hám jeti mıńnan aslam adamlar qatnasqan jarıs juwmaǵında institutımızdıń Dene mádeniyatı fakulteti studenti Dildora Ashirbaeva qızlar arasında sıylı 2-orındı, institut sport klubınıń jeńil atletika boyınsha trener-oqıtıwshısı Diyorbek Shamuratov erler arasında sıylı 3-orındı iyeledi.

Jeńimpazlar hám sıylı orın iyeleri shólkemlestiriwshiler tárepinen sıylıqlandı.

NMPI baspasóz xızmeti.