Ájiniyaz atındaǵı Nókis mámleketlik pedagogikalıq institutında 30-iyun – Jaslar kúni múnásibeti menen «Jańa Ózbekstan jasları, birleseyik!» súreni tiykarında student-jaslar arasında shaxmat hám shashka boyınsha jarıs ótkerildi.

Jaslar «aqıl gimnastikası» dep táriyp beriletuǵın usı sport túrleri boyınsha ózleriniń sheberlikleri hám imkaniyatların sınap kórdi.

Jarıs juwmaǵında jeńimpazlar, sıylı orın iyeleri hám barlıq qatnasıwshılar institut kásiplik awqamı komiteti tárepinen sıylıqlandı.

Institutta Jaslar kúni bayramına arnalǵan ilajlar dawam etpekte.

NMPI baspasóz xızmeti.