Búgin, 11-oktyabr kúni Berdaq atındaǵı Qaraqalpaq mámleketlik universitetiniń mádeniyat sarayında «TechnoWays» texnologiyalıq rawajlanıw marafonı respublikalıq basqıshınıń juwmaǵı hám jeńimpazların sıylıqlaw máresimi bolıp ótti.

Quwanıshlı tárepi, marafonnıń respublikalıq basqıshında Qaraqalpaqstan Respublikası joqarı oqıw orınları arasında «Texnologiyalıq sheshim» baǵdarı boyınsha Ájiniyaz atındaǵı Nókis mámleketlik pedagogikalıq institutınıń 1-kurs magistrantı Jalalatdin Usnatdinov sıylı 2-orındı iyeledi.

Ol marafonda xlorella jetistiriw ushın innovaciyalıq fotobioreaktor islep shıǵarıw joybarı menen qatnastı hám ekspertler quramı tárepinen joqarı bahalandı.

Magistrantımız Jalalatdin Usnatdinovtı qolǵa kirgizgen tabısı menen institut rektoratı hám jámááti atınan qutlıqlap, aldaǵı oqıw hám ilimiy jumıslarında tabıslar tileymiz!

NMPI baspasóz xızmeti.