Ózbekstan Respublikası Joqarı bilimlendiriw, ilim hám innovaciyalar ministri Qońıratbay Sharipov Ájiniyaz atındaǵı Nókis mámleketlik pedagogikalıq institutında Ózbekstan Respublikası Prezidentiniń «Belgili qaraqalpaq shayırı hám oyshılı Ájiniyaz Qosıbay ulınıń tuwılǵanınıń 200 jıllıǵın keń túrde belgilew haqqında»ǵı qararı tiykarında shólkemlestirilgen Ájiniyaz muzeyi menen tanıstı.

Bul jerde institut professor-oqıtıwshıları tárepinen alıp barılǵan izertlewler nátiyjesinde islengen Ájiniyaz Qosıbay ulınıń áwladlar shejiresi, sonday-aq, shayır jasaǵan dáwirge tiyisli kitaplar, qunlı qoljazbalar, tariyxıy buyımlar hám kiyim-kensheklerdiń kórgizbelerin kózden ótkerdi.

Muzeyde Ájiniyaz shejiresi haqqında maǵlıwmat beriw ushın shayırdıń áwladların usı jerge jumısqa shaqırıw hám muzey eksponatların bunnan bılay da bayıtıp barıw boyınsha tapsırmalar berdi.

Ministr Qońıratbay Sharipov muzeydiń estelikler kitabına eń jaqsı tileklerin jazıp qaldırdı.

NMPI baspasóz xızmeti.