Ájiniyaz atındaǵı Nókis mámleketlik pedagogikalıq institutında ótkerilgen «Máripat taratıp» joybarı sheńberinde dóretiwshi ustazlar – Qaraqalpaqstanǵa miyneti sińgen jurnalist, belgili jazıwshı hám awdarmashı Yangibay Quchqarov hám Ózbekstan Jazıwshılar awqamı baslıǵınıń járdemshisi, belgili shayır Zavqiddin Nasimov instituttıń 1-sanlı studentler turaq jayında bolıp, bul jerdegi sharayatlar menen tanıstı hám jaslar menen sáwbetlesti.

Sáwbetlesiw barısında miymanlar jataqxanada jaratılǵan imkaniyatlarǵa joqarı baha berip, jaslardı usınday sharayatlardan nátiyjeli paydalanıwǵa shaqırdı hám elimizdiń rawajlanıwı ushın múnásip úles qosatuǵın kadrlar bolıp jetilisiwin tiledi.

Ilaj dawamında poeziya hám prozaǵa qızıǵatuǵın studentler ustazlardan dóretiwshilik jumısları boyınsha másláhátler aldı.

NMPI baspasóz xızmeti.