Аjiniyoz nomidagi Nukus davlat pedagogika institutida oʻtkazilgan “Maʼrifat ulashib” loyihasi doirasida ijodkor ustozlar – Qoraqalpogʻistonda xizmat koʻrsatgan jurnalist, mashhur yozuvchi hamda tarjimon Yangiboy Qoʻchqorov va Oʻzbekiston Yozuvchilar uyushmasi raisining yordamchisi, mashhur shoir Zavqiddin Nasimov institutning 1-son talabalar turar joyida boʻlib, bu yerdagi sharoitlar bilan tanishdi hamda yoshlar bilan suhbatlashdi.

Suhbat jarayonida mehmonlar yotoqxonada yaratilgan imkoniyatlarga yuqori baho berib, yoshlarni mana shunday sharoitlardan samarali foydalanishga chorladi va mamlakatimiz rivojiga munosib hissa qoʻsha oladigan kadrlar boʻlib yetishishiga tilakdoshlik bildirdi.

Tadbir davomida nazm va nasrga qiziqadigan talabalar ustozlardan ijodiy ishlari boʻyicha maslahatlar oldi.

NukusDPI matbuot xizmati.