«Jańa jıl bayramın belgilew dáwirinde qosımsha jumıs islenbeytuǵın kúndi belgilew hám demalıs kúnin kóshiriw haqqında»ǵı Prezident qararı (452-sanlı, 24.12.2024-j.) qabıl etildi.

Qararǵa muwapıq, 2025-jılda 5 kúnlik jumıs háptesinde isleytuǵın xızmetkerler ushın demalıs kúni 4-yanvar – shembi kúninen 2-yanvar – piyshembi kúnine kóshirildi hám 6 kúnlik jumıs háptesinde isleytuǵın xızmetkerler ushın 2-yanvar – piyshembi qosımsha demalıs kúni etip belgilendi.

Jańa jıl bayramı qarsańında tómendegi kúnler demalıs kúni boladı:

28-dekabr (shembi) – 5 kúnlik jumıs háptesinde isleytuǵın xızmetkerler ushın demalıs kúni (6 kúnlik jumıs háptesinde isleytuǵın xızmetkerler ushın jumıs kúni);

29-dekabr (ekshembi) – ulıwmalıq demalıs kúni;

30-dekabr (dúyshembi) – qosımsha demalıs kúni;

31-dekabr (shiyshembi) – qosımsha demalıs kúni;

1-yanvar (sárshembi) – Jańa jıl bayramı;

2-yanvar (piyshembi) – 5 kúnlik jumıs háptesinde isleytuǵın xızmetkerler ushın demalıs kúni, 6 kúnlik jumıs háptesinde isleytuǵın xızmetkerler ushın qosımsha demalıs kúni.

NMPI baspasóz xızmeti.