Kafedra baslıǵı:	Prenov Barliqbay Barakbaevich
	Tel.:	+99890 654 8044
	Qabıllaw waqtı	Dúyshembi-Shembi Saat 10-00 den 16-00 ge shekem

     1935-1936-jılları Qaraqalpaqstan muǵallimler institutınıń Fizika-matematika fakulteti shólkemlestirilip, bul fakultette Fizika-matematika ilimleri kafedrası ashıldı hám onı Rossiya oqıw orınlarınan shaqırılǵan ilimpaz M.V.Sheglov basqardı.

     1948-1949-oqıw jılında Fizika-matematika ilimleri kafedrası Matematika hám Fizika kafedralarına bólindi. 1950-1960-jılları Matematika kafedrasında Fizika-matematika ilimleriniń kandidatları F.V.Tomashevskiy hám B.V.Levin, pedagogika ilimleriniń kandidatı A.Z.Nasırovlar jumıs islep, oqıw-tárbiya islerin alıp barıw menen bir qatarda dáslepki ilim kandidatların jetilistiriwge de óz úleslerin qostı.

     1969-jılı «Matematika» kafedrası «Matematikalıq analiz» hám «Ulıwma matematika» kafedralarına bólindi. «Ulıwma matematika» kafedrasın M.Galekeev basqarıp, bul kafedrada 14 oqıtıwshı jumıs isledi, olardıń qatarında fizika-matematika ilimlerinin kandidatları O.Saparniyazov hám I.Maхsudov, pedagogika ilimlerinin kandidatı T.Tawbaevlar bar edi.

     1990-jıldıń 1-sentyabr kúni Nókis mámleketlik pedagogikalıq institutı qaytadan ashıldı. Bul instituttıń Injener-pedagogika fakulteti quramında Matematika-informatika kafedrası boldı.

     1996-jılı fakultet quramında Joqarı matematika, Matematikanı oqıtıw metodikası, Informatika hám esaplaw teхnikası kafedraları bar edi.

     2015-jılı «Ulıwma matematika» kafedrası «Matematika oqıtıw metodikası» kafedrası dep qayta ataldı. 2015-2016 jılları kafedraǵa fizika-matematika ilimleri kandidatı G.Qaypnazarova basshılıq etti.

     2016 jıldan baslap búgingi kúnge shekem kafedranı professor B.Prenov basqarıp kelmekte. 2017 jılda kafedrada 28 professor-oqıtıwshı jumıs islep, ilimiy dárejelilik 28,5% bolǵan. Solay etip, házirgi waqıtta kafedra quramında ulıwma 50 ge jaqın professor-oqıtıwshı bolıp, olardan 35 professor-oqıtıwshı tolıq shtatta jumıs isleydi hám kafedra ilimiy dárejeliligi 50% ten joqarı kórsetkishke iye.

     Kafedra, búgingi kúnde, matematika páninen dúnyadaǵı xalıqaralıq reytinglerde joqarı orınlardı iyelep turǵan, bir neshe joqarı oqıw orınları menen baylanıstı jolǵa qoyǵan. Olardan Novosibir mámleketlik universiteti, Sibir Federal universiteti, Kazan Federal universiteti, Al – Farabiy atındaǵı Qazaqstan mámleketlik universiteti, Gumilev atındaǵı Evraziya mámleketlik universiteti, Ózbekstan milliy universiteti, Urgench mámleketlik universiteti, Qaraqalpaq mámleketlik universitetlerin atap kórsetiw múmkin. Búl atap ótilgen universitet professor-oqıtıwshıları institut talabalarına online-offline kóriniste sabaq berip kelmekteler. Sonday-aq kafedranıń professor-oqıtıwshıları, búl – dunyanıń jetekshi universitetlerinde, tájiriybe almasıw, bilimin jetilistiriw kursların ótip atır.