Dene mádeniyatı
 |
Fakultet dekanı | b.i.k., professor A.Q.Utepbergenov |
|
telefon: |
+99891 381-33-90 | |
|
e-mail: |
dekanat_dm@inbox.uz |
Fakultet quramındaǵı kafedralar dizimi:
Dene tárbiya teoriyası hám metodikası kafedrası
BAKALAVR TÁLIM BAǴDARLARI :
60112200 – Dene mádeniyatı
60111900 – Mektepke shekemgi hám baslawısh tálimde dene tárbiya hám sport
MAGISTRATURA BÓLIMI
70112201 – Dene tárbiyası hám sport shınıǵıwlar teoriyası hám metodikası qánigeligi.
Qaraqalpaq mámleketlik pedagogika institutı ashılǵan jıllardan itibaran institutta bilim alıwshı talabalarǵa dene tárbiyası páni sabaqlıǵı ótile basladı. Biraq, usı jıllar institutta arnawlı dene tárbiya kafedrası, fakultet bolmadı, tek ǵana 2-shi júzlik urıstan keyingi jılları Qaraqalpaqstan Respublikasında barlıq xalıqmızdıń ásirese jaslarımızdıń arasında dene tárbiyası hám sporttıń rawajlanıwına keń jol ashıldı. Bul waqıtları dene tárbiyası sabaqların shólkemlestiriw, rawajlandırıw hám basqada ǵalabalıq jumıslarda salamatlıqtı bekkemlew, sport jumısların alıp barıw instituttıń áskeriy isler bólimine bekitilgen edi. Tek ǵana 1956-jılı Qaraqalpaq mámleketlik pedagogika institutında dene tárbiyası fakulteti ashılıwına baylanıslı qánigelik boyınsha dene tárbiyası kafedrası shókemlestirildi hám usı jılı fakultetke 50 talaba qabıl etildi
Jańadan ashılǵan Dene tárbiya fakultetine P.F.Lesgaft atındaǵı Leningrad mámleketlik dene tárbiya institutı pitkeriwshisi fakultet dekanı lawazımına E.V.Krasnikova hám Dene tárbiya teoriyası hám metodikası kafedrası basshısı etip usı P.F.Lesgaft atındaǵı Leningrad mámleketlik dene tárbiya institutı pitkeriwshisi E.P.Xotenkoǵa júkletildi. Fakultet professor-oqıtıwshıları sol waqıttaǵı oraylıq institut pitkeriwshilerinen dúzildi. Olardan Moskva mámleketlik dene tárbiyası institutı pitkeriwshileri Q.Gulimbetov, Q.T.Kagarmanov hám A.I.Izimbetovlar, Leningrad mámleketlik dene tárbiya institutı pitkeriwshileri V.Í.Solovёv, V.F.Pushkin hámde Tbilisi mámleketlik dene tárbiyası institutı pitkeriwshileri R.G.Biblis, E.M.Osipovlar sportshı qánigelerdi hám dene tárbiya páni okıtıwshıların tayarlawda úlken úlesin qostı. Sol jılları fakultet kafedraların prof. P.Shılmanov, b.i.k. P.Ospanov, p.i.k.Sh.Orazov, p.i.k O.Otenov, p.i.k.B.Qaypov,doc. A.Aytniyazov, doc.J.Mambetov, úlken oqıtıwshılar D.Niyazımbetov, A.Jumanov, M.Abutov, A.Reymovlar basqarıp keldi. 2005-jılı fakultet hám kafedralardıń biriktiriliwi nátiyjesinde dene tárbiyası teoriyası hám ámeliyatı kafedrasına p.i.k. B.Qaypov basshılıq etti. 2009-jıldıń sentyabr ayınan 2015-jıl arasında kafedranı A.Utepbergenov, 2015-2021 jıllar A.Kazakov, 2021-2022 jıllar aralıǵında p.p.b.f.d. ( PhD) D.Nurıshov basqardı. 2022-2023 oqıw jılınan házirgı waqıtqa fakultette 2 kafedra bolıp, Dene tárbiyası teoriyası kafedrasına docent A.Eshbaev, Sport pánleri kafedrasına professor A.Niyazov basshılıq etip kelmekte. Búgingi kúnge kelip Dene mádeniyatı fakultetinde 36-professor-oqıtıwshı student-jaslarǵa bilim berip, sonnan 2 ilim kandidatı, 2 professor, 6 docent, 9 aǵa oqıtıwshı, 18 assistent oqıtıwshı xızmet etedi. Házirgi kúnde “Dene mádeniyatı” fakul’tetiń biologiya ilimleriniń kandidatı, professor A.Q.Utepbergenov basqarıp kelmekte.
Dene mádeniyatı fakultetinde 60112200-Dene mádeniyatı, 60111900 – Mektepke shekemgi hám baslawısh tálimde dene tárbiya hám sport baǵdarları bar. Sonıń menen birge 2020-jılı 70112201 -“Dene tárbiya hám sport shınıǵıwları teoriyası hám metodikası” magistratura qánigeligi ashıld. Fakultet pedagog-xızmetkerleri, magistrantlar hám student-jaslar dene mádeniyatı tálim baǵdarı boyınsha mámleketlik ilim-izertlew baǵdarları boyınsha hár qıylı mashqalalardı sheshiwde aktiv qatnasıp kelmekte. Dene tárbiya hám sport shınıǵıwları teoriyası hám metodikası jónelisi boyınsha 2022 jıllı doktorlıq (PhD) dissertaciyası tabıslı qorǵaldı. Kafedra oqıtıwshılarınan 6 oqıtıwshı erkin ileniwshi bolıp ilim izertlew jumısların alıp barmaqta. Usı kúnge shekem kafedra professor-oqıtıwshılar tárepinen 14 sabaqlıq, 22 oqıw qollanba, 28 dan artıq oqıw metodikalıq qollanbalar tayarlandı.
Fakultette jami 567 talaba bilim almaqta. Sonnan 441 er bala, 126 qız ballardı quraydı.
Nókis qalası Bilimliler kóshesi nomersiz jay. NMPI 4-imaratı