Ájiniyaz atındaǵı Nókis mámleketlik pedagogikalıq institutı Túrkiy tiller fakulteti qaraqalpaq tili hám ádebiyatı tálim baǵdarı 1-kurs studentleri arasında tyutor X.Xudaybergenova tárepinen Ózbekstan Qaharmanları – qaraqalpaq ádebiyatınıń iri tulǵaları Ibrayım Yusupov hám Tólepbergen Qayıpbergenovlardıń tuwılǵanına 96 jıl tolıwı múnásibeti menen «Qaraqalpaq ádebiyatındaǵı qos bayterek» atamasındaǵı tańlaw shólkemlestirildi.

Tańlaw 3 shártten ibarat bolıp, onda studentler óz ara bilimlerin sınaqtan ótkerdi.

Tańlawda «Qaraqalpaqstan» telekanalı jurnalisti H.Nurjanova, fakultetler aralıq shet tili kafedrası baslıǵı, pedagogika ilimleri boyınsha filosofiya doktorı F.Qayıpbergenova, qaraqalpaq ádebiyatı kafedrası assistent-oqıtıwshısı Q.Sársenbaevlar qatnastı hám tóreshilik etti.

Tańlaw juwmaǵında 1-G toparınıń «Bayterek» komandası 1-orın, 1-B toparınıń «Qaraqalpaq qızları» komandası 2-orın, 1-V toparınıń «Ayaziy» komandası 3-orındı iyelegen bolsa, 1-A toparınıń «Tumaris» komandası ayrıqsha belsendilik kórsetti.